Sâyesi düşmez yere böyle bir nahl-i tûrsun
Mihr-i âlem girsin, baştan ayağa nursun
Târik-i gülzâr-ı âlem mâlik-i mülk-i adem
Münkirlere mahz-ı mâtem mü’minlere sûrsun.
Sensin ol şah ki Süleymanlar kapında mûrdur
On sekiz bin âleme hükmetmeğe memursun
El benim dâmen senin ey rahmetenlilâlemin!
Şöhretim isyan benim sen af ile meşhursun
Padişah-ı evvelin ü kıblegâh-ı âhirîn
Evvel ü âhir imâmül enbiyâ mezkûrsun
Yâ Resulallah! Umarım diyesin rûz-i cezâ
Gerçi cürmüm çoktur ammâ Itriyâ mağfûrsun.